شلاضة مغربية عصرية

--------------------------------------------------------------------------------

هادي وصفة مغربية عصرية

المقادير : *
- نص كيلو روز "من النوع الطويل الممتاز"
fermes مطيشات قصحين -
- بصلة كبيرة مشلضة
Mais 1حك كبير ديال الدرة -
- 200 ڴرام ديال لفروماج حمر"النص مقطع مربعات و النص محكوك للتزيين"
- 200 ڴرام كاشير أو مورتديلا
- 100 ڴرام كورنيشو "مقطع دواور"
- 2 فلفلات خضرين" مقطعين مربعات "
- 1 فلفلا حمرا " مقطعة مربعات "
- 1 فلفلاصفرا " مقطعة مربعات "
- حك متوسط ديال جلبانة "جلبانة صغيرة" أو جلبانة طرية "مسلوقة"
- 2 حكاك ديال الطون " مقطرين من الزيت "
- حفنة ديال الزيتون "كحل أو خضر بلا عظم"
- 4 بيضات "مسلوقين"
- حفنة ديال المعدنوس "مقطع رقيق"
-2 معالق كبار ديال لمايونيز " نخلطوهم مع الروز و العناصر الأخرى"
-2 معالق كبار ديال لمايونيز " للتزيين من فوق شلاضة ديال الروز"
- صوص ڨينيڴريت " الملح+لبزار+ثوم محكوكة+2 معالق كبار ديال لاموطارد+زيت الزيتون+عصير الحامض أو الخل"

* الطريقة :
نسلق الروز "ماخصوسش يتعجن",منين يتسلق نصفيه و نغسلو بالما بارد حتى يبرد أو نديروه فالثلاجة يبرد,نديرو فوعاء كبير,نقطع البصلة و الفلفلات و مطيشات و نرميهم على الروز+الدرة+الكاشير "مقطع على طول"+ لفروماج " مقطع إما طول إما مربعات "+الطون "شرائح متوسطة"+لكورنيشو "مقطع دواور "+الزيتون دواور+المعدنوس+ الملح+لبزار
نسقي الروز بالڨينيڴريت و نديرها تبرد فثلاجة مزيان,منين تبرد نصبها فطبسيل كبير و نزوقها بالبيض مسلوق"مقطع على نص او ربع"+ لامايونيز+لفروماج حمر محكوك من الفوق,ونسقي كل شي بالڨينيڴريت