حلوى ما كاش أسهل منها ...وزيدي لذيييييييييييييييييييذة جدا

المقادير

علبة مارغرين
علبة ياغورت
وفرينة
نوات كوكو باش ترمدي فيها

الحشو: معجون اللي تختاري مخلط بالنوات كوكو

التحضير لما تذوبي المارغرين خليها تبرد شوي وخلكي علبة ياغورت خلكي وضيفي الفارينة بشوي حتى تتلم لعجينة (ما شي تيبس تبقى طريبة وقابلة للإستعمال)

حليها بالحلال رقيق وقطعي بكأس تاي متوسط أو فنجان يعني تجي صغيرة واللي عندها قالب نتاع شوصون الصغير كامل يكون أحسن
دري شوي حشو داخل وغلقي عليها بالفرشيطة وحطيها في الفرن بلا ما تدهني الصينية وخليها شوي تصفار برك أو شي تحوار خرجيها خليها شوي تبرد ادهنيها شوي بالمعجون ورمديها في النوات كوكو