اللهم صلي على حبيب الامة سيدنا محمد وعلى اله وصحبه اجمعين
بسم الله الرحمن الرحيم على بركة الله المقادير بصلة متوسطة مشلضة
2 خيزوات محكوكين
2 كرعات محكوكين
علبة صغيرة الفطر الشمبينيو
فلفة حمراء مقطعة مربعات
شوية الربيع ورقة موسى معلقة كبيرة موطارد
علبة صغيرة فرميسيل نكونوا طلقناها فماء ساخن من قبل
صدر الدجاج او لاداند مقطع مربعات صغار
ملح ابزار تحميرة سكين جبير خرقوم بلدي معلقة متوسطة من كل وحدة من العطرية
وبالطبع شوية زيت مخلطة رومية وبلدية
الطريقة
نحمر البصلة مع الزيت حت تدبال نزيد قطع الدجاج والشمبينو والعطرية كلها لي دكرت سابقا والموطارد ورقة موسى ملي تحس بالدجاج بدى يطيب نزيد الفلفل الاحمر لي قطعنا من قبل مربعات ونزيد نصف كاس ماء ونخلي الكل يتشحر مزيان ملي نحس بكلشي قرب يطيب نزيد الكرعة وخيزو وفي الاخير الشعرية الصينية نخليهم يتشحروا مزيان حت متبقاش عندنا المرقة يعني كلشي ينشف ونخوي عليهم معلقة كبيرة تاع الصوجا ونخلط الكل ونحتفظ بالخليط حت يبرد ونبدى نعمر فالبسطيلة ها صورة الورقة لي استعملت باش تجيني مربعة فعلا غزززالة غي خصها تدهن مزيان بالزبدة حت ترتطاب ييجي بيها بسطيلة مورقة ومقرمشة وفنة وبالطبع الكل تيعرف طريقة تعمار بسطيل نسرح الورقة وندهنها مزيان بالزبدة مدوبة ونبدى نعمر فالبسطيلة ديالي كيف العادة ونرش الفرماج احمر محكوك فوق وجه التعميرة لي عمرت ونجمعها مزيان ونسد بالبيض لي طربناه من قبل وندخلها للفرن طيب ملي نخرجها نزوق طبق التقديم ونرش تاني بالفرماج احمر محكوك اللهم ادمها نعمة واحفضها من الزوال
احبكن في الله اخواتي